Reer Boorama oo Caawa Lagu Seexiyay In Xildhibaanada Saylac Berri La Dhaarinayo Iyo Sadex Suldaan oo dib loogu yeedhay markii shirka lagu kala dareeray

Sidii aan hore idiinku soo gudbinay waxa maanta gorodda is-daray Gulufkii Hargeyska yimid iyo Waxgaradkii gobolada Awdal iyo Salal.

Kulanka oo ka dhacay Huteelka Rays waxa isku soo hor-fadhiistay 30 xubnood oo Siilaanyo Hargeysa kasoo diray iyo in ka badan 100 xubnood oo laga soo kala xulay qeybaha bulshada ku dhaqan gobolka Awdal, Sida Salaadiinta, Cuqaasha, Culimada, Dhalinyarada Iyo Aqoonyahanka.

Kulanku wuxu ahaa mid aan waxba la iskula hadhin oo la isugu matal-wacay, waa la isku abtiriyay.  Gulufkii Hargeysa ka yimid markii uu dalabkiisa soo gudbiyay  Xaajadu way kululaatay.

Reer Awdal waxay badka soo dhigeen waxbadan oo huursan oo ay SL darteed u liqeen. Waxa laga wada hadlay dhiiga dadkii lagu laayay Dariiqa, kuwii Hurdada lagu gawracay iyo ardaydii shalay gar-darada lagu gumaaday iyo sida ay ugu qatanyihiin wixii ay halkan(Boorama) ku unkeen.

Kadib waxay usoo degeen Duruufta Siyaasadeed Iyo Dulmiga Reer Awdal haysta ee ay ku samirsanyihiin, balse aanay maanta u dul-qaadan karin in mid kale oo cusub loogu daro. Waxay hadalkooda kusoo afmeereen Haddii Aan awal wax walba u qaadan jiray Somaliland baa dumi, maanta Naxdintaasi nama hayso, berri haddii ay dumayso yeeli maayo kursi aan doorasho ku helay dad kale sii.

Markii arrinka la isku mari waayay, waxa shirkii soo xidhay ninkii(saylici) gadh-wadeenka ka ahaa arinka. Kadib Gulufkii Hargeysa kasoo duulay waxay codsadeen in Sadexda Suldaan oo kaliya ay isku hadhaan, dadweynaha kalena dareero, taasoo shaki weyn ku abuurtay bulshada reer Boorama.

Isku soo wada duuboo caawa waxa reer Boorama lagu seexiyay in berri la dhaarin doono xildhibaanadii Saylac, laakiin wuxu u egyahay ballan-qaad weyd ah oo reer Boorama lagu suuxinayo.

Wararku waxay intaa ku darayaan In Xaalada magaalada Boorama wali kacsantahay. Cabdiraxsaylici waxa lagu ilaalinayaa gurigiisa, waftiga intiisa kalena Huteelka Rays oo ay deganyihiin.

Isha ku hay Harowo.com daqiiqad walba.

Related Posts via Categories

• Badhasaabka Cusub Ee Awdal (Jug soo dhacay) oo amar ku taaglayn ka bilaabay gobolka iyo Dadweynaha oo…..
• Dawlada Soomaaliya Oo Dunida Ka Dalbanaysa In Maamulka Somaliland Loola Dhaqmo Sida “Fallaago Gooni U Goosato ah” Itoobiyana Waraaq U Dirtay. WARBIXIN
• Norwey oo ka hadashay Dhulbadeedka Soomaaliya iyo Tuhunka la xiriira inay……..
• Anagu ” MAG” Ma Kala Qaadanno Ciise, Reer Dudub baa lanna yidhaa……….Samarroon qaabili maayo Qaxooti dambe. Halkan Ka Daawo
• Dagaalkii Garxajis lagu qaaday Iyo Godobtii Muuse Biixi Ka Galay….. “Anigoo wax dili kara duco qaadan maayo” DAAWO
• Ethiopia oo la safatay DF Soomaalia
• Mareykanka iyo Midowga Yurub oo soo faragaliyey arinka Kismaayo
• Gadabuursi iyo Harti hoosteennaan keennay hubkiina waan ka dhignay waxa inaga dhimani waa aqoonsi. Dhagarqabe Xasan Ciise
• MAXAAD KA OGTAHAY 17 ODAY EE SAXEEXAY GOONI ISTAAGII S/Land 1991 ee shirkii Burco.
• Suldaanka Guud Ee Beesha Isaaq oo sheegay inaanay Somaliland Xamar la’aanteed waxba noqon karin ” maaha inaynu cidlo uun Durbaan ku garaacno”