Harowo.com

Kilil5 Khaas:Heshiiskii Taariikhiga Ahaa ee Dhexmaray Xukuumada DDS iyo Beesha Aw-Qudub: Qodobada Heshiiska Shirka

Dire Dawa (kilil5) - Baaqa Shirka nabaddaynta, maamulka suuban iyo horumarka ee loo qabtay Beesha Sheekh/Fiqi Cumar ee Deggan degaanka Soomaaalida Itoobiya, Shirakaasi oo laga soo qaybgaliyey wakiiladda Beesha Sheekhaash. Shirkaasi oo wadjir u soo qabanqaabiyeen Xafiiska Golaha Federeeshinka iyo Dawaldda Degaanka Soomaalida Itoobiya.

Megaabiit 25-27, 2004  – Dire Dawa Itoobiya.

Qodobada Heshiiska Shirka.

1 .   Hordhac:

Wakiilada Beesha Sheekhaash ee ku nool degaanka Soomaalida itoobiya waxay in muddo ah ka cabanayeen ka qaybgal la’aan maamulka degaanada ay ku noolyihiin, kaasi oo ay u gudbiyeen golaha Federeeshinka. Waxa laga warqabaa in xafiiska golaha Federeeshinku muddo baddan arintan ka shiray go’aananaa ka soo saaray.
Iyada oo laga duulayo go’aanadaasi, Dawaldda Degaanka Soomalalidu iyadoo aad u danaynaysa xal u helidda dhibaatadaas, waxay qaaday tallaabo degmo lagaga dhigayo degaanka Beeshu degantahay ee Raaso. Talaabadani waxay ahayd mid loo qaaday dhinca wanaagsan, waxa kale oo ay mudnayd in la taageero.

Hase ahaatee, go’aankaasi oo beeshu ku qancin darteed, tani xal waara ma noqon.

Haddaba, si arintani loo soo afjaro, xafiiska Golaha Federeeshinku isagoo la kaashanaya, xafiiska Ra’iisal wasaaraha, Wasaaradda arimaha fedraalka, dawaladda degaanka Soomaalida, iyo cidda kale ee arintani khusaysaba waxay dedaal dheeri ah u galeen sidii loo fulin lahaa go’aankii kasoo baxay golaha Federeeshinka.

Si la iskugu soo dhaweeyo Dawladda degaanka Soomaalida iyo wakiiladda beesha, waxa lama huraan noqotay in la qabto shirweynahan.
Sidaas darted, anagoo ah ka qaybgalayaashii shirkani 3da bari socday waxaanu soo saaray baaq ka kooban kow iyo toban qodob:

1.   Anagoo ah beesha Reer Fiqi Cumar waxaan aaminsanahay dastuurka Dawladda Federaalka Itoobiya iyo kan dawladda Degaanka Soomaalida, dastuurkaasi waanu ku dhaqmaynaa islamarkaana hirgalinaynaa. Isafgaranwaa kastana waxaan ku xallinaynaa dastuurka. Waxaan cadaynaynaa inaa nahay shacab ka tirsan qowmiyadda Soomaalida Itoobiya.

2.  Go’aankii ka soo baxay Dawladda Degaanka Soomaalida iyo ka Federaalka ee ahaa in degaanka aan ku noolahay ee Raaso oo ka mid aha dawladda degaanka Soomaalida Itoobiya degmo noqoto waan taageersanahay.

3.   Waxaan taageersanahy , hirgalintiisana aan ka qayb qaadanaynaa, Go’aanka dawladda degaanka Soomalida Itoobiya ee ahaa in beeshu meelaha ay degantahay, ay ka helaan xubno u matala maamulka gobolda, degmooyinka iyo qaabdhismeedka xisbigaba, si caddaali ah.

4.   Isafgaranwaagii iyo isku dhacyadii dartood dadaka u xidhan ee u dhashay beesha, in la sii daayo iyadoo loo marayo nidaamka sharciga cafiska, islamarkaan ay beesha ku soo biiraan. Go’aankaas waan taageeraynaa.

5.   Iskudhaca iyo isafgaranshawaaga awgeed dadkii u barakacay meel degaanka Soomaalida ka baxsan oo ah Oromiya, Degmada Raytu, qabaleega Bakool inay noloshoodii iyo degaankoodii Raaso si nabadgalyo ah ugu soo laabtaan, uguna noolaadaan waan taageersanhay, islamarkaana waan hirgalinaynaa.

6.   Go’aankii hore ee  ahaa degmada Raaso 40:60 in loo qaybsado, in lagu badalo degmo 100% beeshu ay leedahay waan taageersanahay.

7. Maamulka degmada Raaso waxa uu noqon donaa mid dib u curasho la galyo, xunahaha maamulkaaasina waxay noqonayaan kuwo ka baxsan beelaha degaankaas degga.

8.   Kooxaha nabadiidka ee wax u dhimaya nabadayada iyo midnimadayada, islmakarkaana fidinaya warar aan sal lahayn waan la halgamaynaa. Horumarka, nabadgalayda iyo maaulka suuban ee degaanku bilaabay inuu hirgalo qaybtayadaan ka qaadanaynaa.

9.   Si loo helo nabad, heshiis waara iyo xasilooni, shirweynahan wixii ka danbeeya, in la soo celiyo walaalnimadii, midnimadii iyo wadanoolaanshihii hore beesha loogu ogaa waan u dhaqdhaqaaqaynaa.

10.   Abaaraha iyo iskudhac awgeed horumar la’aan ku yimid , waxaan dawladda federaalka iyo ta degaankaba si gaar ah uga codsanynaa hirgalinta horumar dheelitiran iyo dib u dejinta degdeg ah oo laga sameeyo Raaso, si degmadaasi loo gaadhsiiyo degmooyinka kale. Arin tan waan taageeraynaa, si ka go’naansho leh baan hirgalkindeeda uga qaybqaadanaynaa.

11.   Hadda wixii ka danbeeya, su’aalaha dhanka horumarka, maamulka suuban iyo nabadgalyada waaxaan ku waydiisan doonaa si nabadgalyo ah, taasi oo waafaqsan dastuurka dalka oo kaliya. Hadda wixii ka danbeeya, dastuurka dawladda degaanka Soomaalida iyo ka Federaalka si buuxdaan u xurmaynaynaa una hirgalinaynaa, islamarkaana ciddii sharci darro wadda, si adag baan ula halgamaynaa.

Gabagabo:

Degaanada ay beeshu degto, nabadgalyo waarta, horumar iyo dimuqraadiyad inay ka hirgasho, shacabkuna ka faa’iidaysto qodobada kor xusan, hirgalinta qodobadaasi anagoo wada jirra oo heshiish ku ah baan saxeexanaga ku cadynaynaa.

Megabiit 27, 2004, Dire Dhawa

Wakiilka Dawladda Degaanka Soomaalida

Wakiiladda Beesha Fiqi Cumar
1. Suldaan Mukhtaar Suldaan Maxamed
2. Sh. Dawaaf sh. Cumar
3. Calidaahir Sh. Maxamed
4. Xuseen Axmed Cali
5. Shukri Macalin Cali
6. Carab Axmed Nuur Muuse
7. Shukri Axmed nuur
8. C/laahi Macalin Cumar
9. Cali-Aadam C/laahi Axmed
10. Cabdi Maxamed Cali
11. Cumar Maxamed Cabdi
12. Ardo Yuusuf
13. Maxmed Sh. Maxamuud
14. Badri Maxmed Cali
15. Umayma Maxamuud Caaqil
16. Ruqiya Macalin Xasan
17. Maxamuud Axmed Raabbi
18. Layla Cabdi Faarax
19. Shukri Badal Carab
20. Xukun Sh. Xasan
21. Xaliimo Muxumed

Afhayeenka Golaha Federeeshinka Wakiilka Wasaaradda Arimha Federaalka 27, Ginboot, 20045 April, 2012.

Dhinaca kale,sida ay xubno ka agdhow madaxwaynaha deegaanka Soomalida iyo mas’uuliyiinta beesha Qudub kilil5 usheegeen in shirkan taariikhiga uu ku xigi doono shirwayne kale oo dhexmari doona beesha Awqudub iyo beehsha Ogaadeen.Shirkan ayaa sida labada dhinac noosheegeen,ujeedadiisu tahay dib usoocelintii walaaltinimada beesha aw-qudub iyo beesha Ogaadeen.

Ujeedada kale ayaa ah bay dhaheen in lamataaneeyo wixii hada ka dambeeya siyaasada guud ee beesha Ogaadeen iyo beesha Sheekhaal wadanka Itoobiya iyo Geeska Africa guud ahaan.waxaad wararkayaga dambe idiinkusoogudbin doonaa documentiga oo kudhanyihiin saxiixyada mas’uuliyiinta sadexda garab ee kala ah dawlada dhexe,dawlada deegaanka Soomalida iyo madaxda beesha Qudub.

kilil5 Online – Dire Dawa


This post has been viewed 4638 times.

camud

Comments are closed

WARARKII HORE EE KU DHAAFAY HALKAN KA RAADI
Log in | onlined by SRH