Harowo.com

Sheeko Xiiso Badan Oo Dhex Martey Ismaaciil Cumar Geelle Iyo Axmed Siilaanyo.

Sheeko Xiiso Badan Oo Dhex Martey Ismaaciil Cumar Geelle Iyo Axmed Siilaanyo.
Sheekadu waxay diiradda saaraysaa Istiraatijiyadda cusub ee Ismaaciil iyo Siilaanyo
new game
Sheekadani waa sheeko aad u xiiso badan oo dhaarintii Xildhibaanada Saylac kadib dhex martey Ismaaciil Cumar Geelle iyo Axmed Siilaanyo.

Siilaanyo: Ismaaciilow walaal waad arkaysaa reerkii Gadabuursi inuu maanta baraarugay oo aan isku soo jeedinay howshii Saylacna inay midaysay waad la socotaa habase yeeshee adigu sideed u aragtaa arritan aan ka hadlayo?

Ismaaciil: Axmedow waa runtaaye reerkan oo midooba inoo dan maaha labadeena reer waxaad arkeysaa sidaan Jabuuti ugu cadaadiyo haday mar midoobaana way inoo dhamaatay maxaa xal ah?

Siilaanyo: Reerkan inagoo qeybina oo isku dirna uun baan ka faa’iidaysan karna oo siyaasad xun, naxli iyo xumaan kala dhex dhigna, maanta Somaliland ayay iga bur burinayaan caalamkuna waa na aarkayaa dawlad jirta oo la ictiraafsan yahay hadaanu nahay waxaanu odhan lahayn waa jabhad dimuquraadiyad diid ah oo waan gumaadi lahayn.

Ismaaciil : Axmedow waa runtaaye reerkan waxa lagu xantaa inay nabad jecel yihiine u yara hanjab oo wiilkoodana ka horkeen, ninkii Saylici ahaa isagu muxuu leeyahay?

Siilaanyo : Ismaaciilow ninkaas Borama ayaan u diray si aan tolkii ugu soo diro waayo anigoo og Borama in mudaharaad ka jiro ayaan u diray walibana waxaan sii raaciiyay Muuse Biixi oo reer Borama aad u neceb yihiin maadaama uu reerka aad u gumaaday mida kale ninkan Saylici wuxuu doonaba ha diidee aniga waxaa iigu darran marka uu dudo ee uu guriga hoosta ka soo xidho waayo ka dawlad ahaan dantu waxey noogu jirtaa isagga oo xafiiskiisa dhex fadhiya inkasta oo qofkii galaya iyo kii ka soo baxayaba Wasiirkeyga Madaxtooyada ee Xirsi il gaara ku hayo laakiin Ismaaciil bal iiga waran doorashadii golaha deegaanka ee Somaliland ka qabsoontey sidey kuula muuqatey?

Ismaaciil : Waar anigu maalintii aan maqlayba natiijada Saylac kama seexan waxaannan hadda arrintaas darteed xilkii ka qaaday nin agaasime ah oo Samaroon ah dawladana waan ka sifaynayaa ee qolyahan Maxadcase inoo sasab maadaama ay iyagu dhanka xeebta degaan ahaan ugu badan yihiin mida kale Axmadow reerkan maanta waxaas oo dhan inagu kiciyey ee aan mari kari laanahay ee soo celiyey midnimadii Gadabuursi ee waliba naftiina hurey oo dhimasho u soo badheedhey waa reerkan Makaahiilka la yidhaahdo inkasta oo xitaa reerkii kale ee Habar Cafaana aad u taageersan yihiin qadiyadan immika socota ee uu Gadabuursi ku midoobay haddana labbadaas reer waa labbo reer oo aan quwadooda la dhayalsan karin.

Siilaanyo : Walaalkayow arintoodu meel wannaagsan bay u mareysaa oo immika taladooda iyo wadda jirkoodu waa mid kaliya markaa waxaa loo baahan yahay barnaamij siyaasadeysan oo aan reerkan ku kala jabino si ay isku nacaan sidii berigii Ugaaska oo kale ee aan ka faa’iidaysanay berigaas hawl fiican baa inoo suurto gashay oo waanagii cartankooda iyo caydooda ka daawan jirney Telefishanada Soomaalida, walaal Ismaaciilow reerkan il kaliya ayay leeyihiin haday midoobaan dhibaato aad u wayn ayaan isku furnay oo reerku sannado badan ayaanu ku seexin jirnay hooyadii Somaliland ayaad tihiin oo aan wax walba kaga qaadi jirnay laakiin maanta waaba diideen taas oo Somaliland hadey dumeyso waagu yaanu u baryin ayey taagan yihiin waxyaabo badan bay fahmeen oo ay ka mid tahay in ay Somaliland ku dulman yihiin waar reerkii Gadabuursi waxaan ka baqayaa Ismaaciilow inay dhibaato wayn igaga timaado waayo immika gudo iyo dibadba way isku xidhan yihiin.

Ismaaciil: Axmedow halkanba immika aad baan uga cabsadaa waayo doorashadii baarlamaanka ayaa soo socota waxaanan ka baqayaa in ay 30 kursi ku yeeshaan Baarlamaanka Djabuuti sababtoo ah halkan aad bay ugu badan yihiin haday intaas oo xubnood yeeshaana awood wayn baa u soo kordhaysa laakiin taas anigaa ka hortagaya marnaba dhici mayso reerkan inaan wax u ogolaado amma ay si muuqata uga soo baxaan Siyaasada Jabuuti.

Siilaanyo: Walaal ninkii saaxiibka ahaa ee dhulka kaa iibiyay miyuu tolkii naga qabto waayo sidey aniga illa tahay isaga uun bay wax ka maqlayaan waayo waa kuwii horeba u hadli waayay markuu dhulka ku siinayey inkasta oo arrinta maanta socotaa aaney sahlaneyn mar hadayba naftii hureen oo ay dhimashadii ogolaadeen sababtoo ah labbadeena dalba waxey taasi ku keeni kartaa culeys weyn oo dhinaca nabad galyada waayo waxaa laga yabaa in ay is qarxiyaan runtiina Ismaaciilow sidda aan taariikhda ku hayo haddii ay reerkani is raacaan oo ay kacaan dhayal laguma fadhiisin karro mida kale waa runtaayoo reerkan waxaa lagu xantaa inay nabada jecel yihiin oo dhowr jeer oo aan yara juqa juqaynay oo aan doonaynay odeygii Rayaale kursiga in aan kaga tuurno tolkii baan gawracney oo howshaana waxa fuliyey gacanyaheyga Muuse Biixi waxaanu doonaynay in uu Rayaale la safto tolkii oo aan halkaas tallada wadanka kaga qaadno laakiin ninku NSS buu ahaan jiroo wuu sasabay oo wuxuu ku yidhi xishooda kursigii dalka u sareeyaan ku fadhinaaye oo aamusa wareerkana joojiya markaas bay sheekadii halkaas ku laabeen mida kale ninkii Prof. Samatarna waad maqashaan filayaa Xamar waa lagu soo bahdiley oo immika dhankan Somaliland ayuu u soo sacabo tumayaa oo uu meelahaa shirarka quebaha ka dhaca kaga nacamleeyaa waa mandaqad xasiloon oo horumar ka socdo sidaan filayo malaha wax buu naga rabbaa in aan siino.

Ismaaciil: Horta ninkaas Rayaale maalintaan maqlayba natiijada doorashada Saylac ee wadnaha la igu dhuftey waan la hadley isagga oo Faransiiska jooga oo ninkaasi waa nin aniga ii dhago nugul wuxuu iigu jawaabay abti hadii aan joogo waan ku qasbi lahaa in ay tanaasulaane laakiin maanta howshaas wax aan ku leeyahay amma aan ka qaban karro oo iiga bannaan tallo ahaan ma jirto waayo wadankii gudihiisa ma joogo, Ninkii Ina Samatarna anigaaba halkan ugu yeedhay oo ku idhi isa sharax doorashada Soomaaliya dhanka kalena waxaan Xildhibaanadii beesha Ciise amar ku siiyay wakhtigii doorashada in ay Sheekh Shariif u codeeyaan waayo hawlo badan ayaa ii suurtoobi lahaa haddii uu ninkaasi Sheekh Shariif soo bixi lahaa waana taas sababta aan markii hore u geeyay ciidamada Muqdisho iyo Baladweyne sababtoo ah waxaan rabaa in beesha aan ka dhashey saami buuxa ka hesho Soomaaliya.

Siilaanyo: Waliba Ismaaciilow waxaan kugula taliban lahaa ciidamada aad Soomaaliya u dirtey in aad kordhiso si arintaas saamiga ee dhinaca Koonfurta aad ka rabto u sii xoogeysato.

Ismaaciil: Taasi waa tallo wannaagsan laakiin Axmedow adigu ninkan hadalka badan ee af mishaarka ah ee isku haysta in uu Soomaali oo dhan ugu aqoon badan yahay waa Ina Ismaaciil Samarate ma meel baad isagga u haysaa oo aad is leedahay u dhiib haddii uu yimmaado Somaliland?

Siilaanyo: Waar Ismaaciil war li’idaa miyaanad ogeyn in garab weyntii Habar Jeclo ee naf iyo maalba ii hurtey in illaa maanta ay raadinayaan meel ay kala qabsadaan oo mansab iyo manfac leh iyagga oo waliba ku xisaabtamaya shanta sanno ee aan xilka hayo iyo labbo sanno oo mustaqbalka muddo kordhin ah mida kale kan Ina Ismaaciil Samatar waaban la yaabaa anigu faq faqdiisa iyo qab weynidiisa waayo nin tolkii ku tiirsan baa kibirka iyo is qaad qaadku ku fiican yahay laakiin isaggu muxuu kibri waa kaligii socod oo dad iyo dawladba aan heshiis la aheyn waliba Ismaaciilow adigu aqoon baad ka hadleysaaye waar ninkan Cali Khaliif Galeydh baa ka balaayeysan oo ka ragganimo badan oo ka garaad fiican sababtoo ah kaasi meel kasta oo uu joogo tolkii buu u hadlaa oo Dhulbahante ah qadiyadda Soomaaliweyna dhinac buu ka wadaa wuxuuna mudooyinkii u dambeeyey u muuqdaa nin Somaliland sanka gashadey oo ifka intuu joogo aan arki karin Qarankan curdinka ah.

Ismaaciil: Waar Axmadow waxaas oo dhan aniga maanta waxaa igaga daran reerkan is urursadey.

Siilaanyo: Walaal Ismaaciilow waa runtaye reerkan Samaroon ee maanta is urursadey ee taladoodii mid ka dhigey sideen iskugu dirnaa amma aan midnimadaa hada jirta ee ay sameynteen iyo taladaas wannaagsan ee ay ku dhaqaaqeen u kala fogeynaa, Ina Geelow Illaahey ragg buu inagga dhige waxaa maanta loo baahan yahay ra’yi aan taas ku kala fur furno si aan midnimadooda u kala jabino waayo anigu immika waxoogaa taladu waa iga baahsan tahoo doorasho wareer badan baan ka soo gudbay mana garan karo talaabo aan reerkan ku kala fur furno.

Ismaaciil: Axmedow mid ayaad ku kala fur furi kartaa adigoo reerkan Makaahiil soo dhawaysta oo wasiir kale u magacaaba waayo reerkan Maxadcase ma haysto wax wasiir ah waxay haystaan nus wasiir si ay uga kacaan howshaas ayaa ugu dhow isku dirka iyagga, ta kale siyaasiyiintii iyo odeyadii joogay Hargaysa waxaan amar kusiiyay inay Saylac ku qabtaan shirwayne reerka ah waxaan ka baqayaa in la diido ama la carqaladeeyo ee arintaas la soco oo kuwan Saylac maddaxda looga dhigey awood aad ku cadaadineyso u adeegsoo oo amaradoodu ha noqdaan kuwa xadidan oo waliba kooban.

Siilaanyo: Hadaad Ismaaciilow wax fiican ii sheegtay horta Cabdirisaaq Cali iyo Cali Xaamud waan eryayaa oo hadda ragii aan ku badali lahaa miiska ayay ii yaalaan waayo wixii aan u direy oo dhan way ka soo bixi kari waayeen markaa immika isku shaandhayn wayn baan soo wadaa taas baannan wasiirada kale ee Makaahiil wasaarado cidlo ah u dhiibi doonaa waar Ismaaciilow dadkani waa duul wixii la siiyaba iska qaata bal u fiirso wasaaradaha aan u dhiibey xitaa waxaa ka mid ah wasaaradii haweenka iyo horumarinta qoyska oo ku habooneyd in ruux dumar ah ay qabbato damiirkoodaan tijaabinayey bal in ay diidaan wallaa xaaga.

Ismaaciil: Mida kale Suldaanka, Siyaasiyiinta, Waxgaradka iyo Aqoonyahanada reerka Habar Cafaan waxaad madaxtooyada ugu sammeysaa marti qaad waxaannad kala hadashaa arrimo ay ka mid yihiin adkeynta nabadgalyada balan qaadna u samee taasi waxey keeni doontaa labbada reer ee kale in ay kulankaas ka hinaasaan waxaanna dhammaantood soo kala dhex gali doona shiki weyn oo halkaas bay ku kala yaaci doonnaan iyagga oo aan midna midka kale aaminsaneyn.

Siilaanyo: Waar Ismaaciilow xaalka reerkan Gadabuursi immika siddii hore ee aan moodi jirney maaha oo habeen dhaweyd oo aan u yeedhey Xaaji Cabdi Waraabe si aan uga wareysto kulanadii eragada uu ka ahaa ee Borama ay kula yeesheen maddax dhaqameedka Gadabuursi wuxuu igu yidhi Adeer Axmadow reerkii wuu ilbaxey oo wax badan baa u bildhaamey waxyaabihii aan ku sasabi jirney oo dhana waabey ka soo taagan yihiin, nabad jaceylkii ma rabbaan, Somaliland in ay duntey heelan u yihiin, hooyadii Somaliland dhashey baad tihiin way diideen, dad sammir badan baad tihiin waabey soo qadh qadhayaan markaa Xaajigu wuxuu igu yidhi dhalinyarada aan soo arkey way ka duwan yihiin kuwii wakhtigii Ina Cigaal iyo Daahir Rayaale nagu mudaharaadi jirey kuwani rasaas kama cabsanayaan, dhiig aad u kul kulul baa ku jira in ay lafahaaga iyo hilibkaaga cunnaan bay rabaan mid kale Xaajigu wuxuu igj yidhi odoyaasha aan soo arkey ee Samaroona haddaad xitaa madaxtooyada ku marti qaado kuwo ogolaanaya maahee waa in la sameeyo kaartooyin kale oo Gadabuursi lagu seexin karro sannadaha soo socda oo aan ahey kuwii hore oo kale.

Ismaaciil: Axmadow nin kasta halka ugu darran baa oloshee waxaan ka baqayaa in dhibaato wayn iigaga timaado Soomaaliya waayo hal degmo oo kaliyana gobolkii Awdal amma Salal kama haysto maxaa xal ah?

Siilaanyo: Taas Ismaaciilow ha ka wal walin waxaan doorashada dambe sammayn doonaa barnaamij balaadhan oo ah in reerkani labbo degmo ka badan aaney gobolka Salal ka helin walaal waxaan isku nahay ilmo binu Axmed abaalkaad noo gasheen wakhtigii SNM maanu iloobin waxaa markaas la inaga rabaa in aan u samirno waxa aan dooneyno oo ay ugu horeeyaan la wareegida degmooyinka Saylac iyo Lughaya qorshaheenuna ha noqdo in aan ka qaadno dhulka amma aan aqlibiyada madaxtininada labadaas degmo yeelano taasina waxey ku iman kartaa inaga oo si wadda jir ah u qaadno talaabooyin ay horseed ka tahay Siyaasad qabbow.

Ismaaciil: Waa arin wannaagsan wixii kharash ku baxaya waan diyaariyey ee adiguna Axmadow dhankaaga walaal ka dadaal oo Qaranka Somalilandna wuxuu kolba u baahan yahay illa soo socodsii qolyahan IGADna waan idinka dhaadhicin doonaa in aad dimuquraadiyad fiican ku talaabsateen.

Siilaanyo: Waayahay walaal aniga Ismaaciilow arrimaha Saylac iyo Lughaya igu halee oo bal dee adiguna ictiraafka iyo maddax banaanida Qarankan curdinka ah si gaara u ogsoonow.

Ismaaciil: Axmadow jiritaanka Somaliland iyo maddax banbaanideeda inta aan noolahay ee aan ahay maddaxweynaha Jabuuti ha u wal walin.

Siilaanyo: Ismaaciilow anigana igu halee sidaan beesha Ciise gacanta ugu soo galin lahaa dhammaan dhulka hoos yimaada degmooyinka Saylac iyo Lughaya.

Abdirisaaq Mohamed Barkhad
Email:- rasiiqi07@hotmail.com


This post has been viewed 2170 times.

camud

1 Comment for “Sheeko Xiiso Badan Oo Dhex Martey Ismaaciil Cumar Geelle Iyo Axmed Siilaanyo.”

  1. JABUUTI ISMAYLAHAYN AFWAYNE AYAA TEGAYEE WAXAY ISLAHAYD HAKALA DHIMANINA AFWEYNE SNMTA WAA LA DHAMAYNAYAAYE MARKAA WAY ISROGTAY ANGUNA MAANAAN XISAABIN OO WALI LANAMA ICTIRAAFIN MARKA UU ICTIRAAF YIMAADO KAMA HAYBAYSAN DOONO CIR IYO DHULBA WAAN KA GARAACAYNAA, CIISE WARAABE RAGOODA IYO DUMARKOODABA WAAN MEHERINAYNAA, GADABUURSIGANA WAAN ADOONSANAYNAA

Leave a Reply

Log in | onlined by SRH