Harowo.com

Tobanka Xildhibaan Ee Reer Saylac oo loo bixiyay “Casharatul Mubashiriin” + Wararkii u dambeeyay Iyo Todobadii Dilaal Ee Hargeysa ka yimid oo shaaca ka qaaday inay yihiin Ergo Siilaanyo

10..Wararkii u dambeeyay ee Degmada Saylac aan ka hellay kadib xidhiidho aan la samaynay dadka uu arinku khuseeyo ee Saylac ku sugan ayaa noo xaqiijay In todobada nin ay ahaayeen Ergo ka socotay xukuumada Siilanyo.

Kulankii xalay ay xildhibaanada la yeesheenna ay shaaca kaga qaadeen inay yihiin Ergo loo soo diray inay xildhibaanada Samaroon ku qanciyaan In Maayer loo doorto nin kasoo jeeda beesha Ciise.

Qorshayaasha ay soo bandhigeen ee ay doonayeen inay xildhibaanada sida caruurta ku sakhaalaan waxa ka mid ahaa ” Imika nin Ciise ah doorta, marka ay arrintu kala degto aqlabiyad baad tihiine ka qaada xilka oo ninkaad rabtaan u dhiiba”. Xildhibaanadii way ku gacan sayreen dalabkoodii, todobadii ninna waxay u sheegeen inaan kursiga hadyad la isku siinin.

Casharatul mubashiriinku qodobadii ay ku gar-naqsadeen waxa ka mid ahaa  ” Degmada Saylac degaan ahaan Majority baan ka nahay, Miyi Iyo Magaalaba, Xildhibaan ahaanna Majority baan ka nnahay cod kusoo baxay, Ciise toban sanuu Saylac maayer ka ahaa oo uu maamulayay isagoo codkaygii ku fadhiya, waanan ku ogolaa ee maxaa maanta aniga ii diiday inaan Maayer ka noqdo?

Degmada Saylac maxay kaga duwantahay degmooyinka dalka ee doorashadu ka dhacday?

Dhaarta dastuurka iyo xeerka doorashaduba dhigayo maxaa la nooga horjoogaa?

Qodobadaa iyo qodobo kale oo wada gar ah ah ayay xildhibaanadu hor dhigeen dilaaliintii Ergada sheegtay.

Wararku waxay intaa ku darayaan in caawa loo ballansanyahay kulan kale oo foodda la is daro, berina xildhibaanada la dhaariyo, haddii ay Berri dhici waydana Ay iyagu Isniinta Umadda horteeda Masaajidka ama Faras-magaalaha Saylac midkood isku dhaarin doonaan.

Mar aan isku daynay inaan arrinkan wax ka waydiino wasiirka warshada laydhka Hargeysa C/risaaq Cali Afbalaadh ayayna noo suurto galin, kadib markii uu ka jawaabi waayay telefoonkiisa gacanta

 


This post has been viewed 2236 times.

camud

3 Comments for “Tobanka Xildhibaan Ee Reer Saylac oo loo bixiyay “Casharatul Mubashiriin” + Wararkii u dambeeyay Iyo Todobadii Dilaal Ee Hargeysa ka yimid oo shaaca ka qaaday inay yihiin Ergo Siilaanyo”

  1. samaroon

    casharatul mubashiriin ilaahay geesiyadaa ha ka abaaal mariyo anaguna shacabkii haadaan nahay hiil iyo hooba waan ag joognaa down daba dhilif down dilaal dhuuni qaate ah down cadawga samaroon

  2. Saylac

    Cisee ka seexan wayey saylac allow maxay noqon malinta jaabuti ka hoos baxdo?
    Waar cisee dhexdisa maa laga waayay nin qabta?
    Waar saylac hadi mayor ka noqon wayaan saylac miya laga eryaya?
    Waar 10kii sano na dhafay sota cisee i samaroon ba dagana saylac
    Waar cisow xiishoda o is qabta.
    Saylac iidhinka lee ee jabuti way socotay…

  3. ololololo

    Casharatul mubashiriin, Alleyleh way u qalmaan

Leave a Reply

WARARKII HORE EE KU DHAAFAY HALKAN KA RAADI
Log in | onlined by SRH