Harowo.com

Mujrim Muuse Biixi oo si Anshax Xumo iyo Qabyaalad ay Ku Jirto, Ugu Jawaabay Muwaadin Dood BBC-da ka Socatay Ra’yigiisa Ka Dhiibtay

Mujrim Muuse Biixi wuxuu ka mid yahay horjoogayaasha ururka cunsuriyada qabyaaladu aafaysay ee SNM, waa ururkii ka falaagoobay dowladii Soomaaliyeed ee kacaanka, wuxuu ka mid ahaa sidaynu wada ognahay jabhadihii qabiilka ku salaysnaa, ee hooga iyo halaaga u soo jiiday ummada Soomaaliyeed, markii cadawga ummadu ku soo hubayay, oo ku soo hugaamiyay dalkooda, si ay dhabarka uga jebiyaan Dowladoodii, dambarkeediina waa kaa aynu maanta dhamaynaa, burbur, qaxooti, darxumo, gumaysi, madax ku sheeg wada dabadhilif ah, oo damiirlaawayaal ah iyo halaag oo dhan.

Hadaba, waxa la yaab ah, ma aha SNM oo keliya kuwa dalka burburiyay, bal Soomaali badan baa dhibtadaa ummada iyo dalka loo gaystay ka qayb gashay, hase yeeshee SNM waa kooxda ka sii jirta, oo weli ka dhisan kooxihii dalka
burburiyay, iyagoo isu bedelay maamul cunsuri ah, oo ummad badan afduub ugu haysta gobolada woqooyi qaarkood, waxayna 21 kii sano ee ina dhaafay, ku hawlanaayeen oo dedaal guracan, oo sharci daro ah ugu jireen, siday gobolada woqooyi, dalka intiisa kale uga gown lahaayeen,waana kooxda keli ah ee weli ku faanta dembiyadii ay dalka ka galeen, islana saxan ilaa iyo maantadaa aan joogno.

Hadaba, Mujrim Muuse Biixi ayaa dhowaan ka dhegaystay idaacada BBC da dood loo qabtay ergooyinkii ka qayb galay, wadahadalkii dhexmaray DKMS iyo maamulkaa SNM, taas oo ay dhegaystayaashuna ra’yigooda ka dhiibanayeen, waxa ka mid ahaa dadkii ra’yigooda ka dhiibanaayay doodaas, dhegayste BBC da kala soo xidhiidhay gobolka Gedo, kaas oo ay ka muuqanaysay in uu yahay nin dhalinyaro ah, dhegaystahaasu Wuxuu aad uga soo horjeestay, gooni isu taaga ay had iyo jeer maamulka SNM ku qarwaan, sida ay qayrkiiba, oo ah muwaadiniinta Soomaaliyeed ee xalaasha ahi, uga soo horjeedaan in wadankooda la qayb qaybiyo, hase yeeshee dhegaystahaasu isaga oo aan cidna aflagaadayn ayuu dood caafimaad qabta, wuxuu ku adkaystay midnimada ummada Soomaaliyeed, isagoo weliba si fiican u sharxay wanaaga iyo
Faa’iidada ummada ugu jirta.

Hase yeeshee hadalka ninkaa dhalinyarada ahi, sida muuqataa wuxuu raali gelin waayay, oo dhiig kar iyo xasaasiyad xun ku riday Mujrim Muuse Biixi,isaga oo si anshax xumo iyo masuuliyad daro ku jirto, iyo aflagaado weliba ugu jawaabayanawuxuu yidhi: “Waxa aan maqlayay wiilal yaryar oo leh yeeli mayno in la kala tago, waxa aan leeyahay awoowyadaa ayaanu hadh cad
U badheedhnay miyaad i siisay xorrnimaddayadda, mise xoogayga ayaan kaaga soo goostay”.

Waxaa Mujrim Muuse Biixi dhiig karka ku kiciyay, oo ka keenay hadalkaa anshaxa iyo adaabta suubanba ka aradan, waa in uu ninkaas dhalinyarada ahi, ahaa reer Gedo, taas oo uu ka uriyay kacaankii barakaysnaa ragii hogaanka u hayay, laakiin damiirlaawe Mujrim Muuse Biixi isma waydiin wanaaga Badan, ee reer Gedo u samayeen reer Hargaysa, oo uu ka soo jeedo, ma is waydiiyay oo keli ah, maanta waxa laga dhisayaa, Dhakhtar noqon doona kan ugu wayn magaalada Hargaysa, oo dhowaan la dhamaystirayo, inshaa Allaahuna ay ka faa’iidaysan doonaan dad badan, oo reer Hargaysa ahi, waxa ku dardaarmay in halkaa laga dhiso Dr. Maxamed Aadam Shiikh Allaah ha u naxariistee, miyaanu Dr. Maxamed ahayn nin ka soo jeeday gobolka Gedo?

Muxuu se uga dhisi waayay bay la tahay dhulkiisa, oo baahi wayn u qaba dhakhtarkaas oo kale?

Dabcan damiirlaawe Mujrim Muuse Biixi oo kale iyo kuwa la midka ahiba, ma fahmi karaan taas!! Tankale waxan had iyo jeer ka maqalnaa horjoogayaasha SNM faan iyo isboox boox iyo hanjebaado caqli daro ah, runtiina ah wax aad looga yaqyaqsoodo, Iyagoo sheega in ay iyagu rideen dowladii kacaanka, oo ay xoog ku qabsadeen goboladooda, hadana hadii aan laga hadhin ay Soomaaliya oo dhan qabsanayaan!

Hadaba, maxaa ka jira andacooyinkoodaa? Ma iyagaa xoog kuriday dowladii kacaanka?

Waxa aan cidna ka qarsoonayn in ay SNM ku jabtay, dagaalkii ay dowlada la galeen, ee gaystay khasaaraha aadka u balaadhnaa, ee burburka, dhimashada, Dhaawaca, barakaca iwm lahaa, waxana si fiican loo og yahay in mudooyinkii ugu dambeeyay, uu inqlaab ka dhacay SNM gudeheeda, oo gudomiyanimadii ururka lagu wareejiyay C/Raxmaan Tuur, iyada oo laga qaaday Axmed Siilaanyo, maxaa taas u sabab ahaa?

Waa in ay horjooganimadii Siilaanyo, ay keentay khasaare aad u balaadhan, iyo dhimasho aan xad lahayn, oo soo gaadhay dhalinyardii iyo Waawaynkiiba ay SNM dagaal gelisay, kuwaas oo inta la siiyo doroogo, la geeyn jiray furimaha dagaalka, si ay isugu miidaamiyaan askarta dowlada, taas oo sababtay in ay dadkaasu ugu dhintaan furimaha dagaalka sida koronkorada, waayo waa dad aan xiskoodii qabin, oo isugu dhigaaya si toos ah xabada!!!

C/Raxmaan Tuur ka dib markii uu la wareegay horjooganimada ururkaa, wuxuu balanqaaday in Aan cid dambe kaga dhiman dagaalkaa, oo macnaheedu yahay in uu nabad qaato, hase yeeshee isla maalmahaasba waxay dowladii ku dhacday, oo ku burburtay, dalkiina kaga daba burburay, dagaalo sokeeye, oo qarqiyay koonfurta Soomaaliya, siiba Muqdisho, markay dowladii dhacaday, ciidamadii xooga dalkuna kala dareereen, oo nin walbi wuxuu haystay, la aaday halkii qabiilkiisu deganaa, ayaa Jabhadii SNM si nabad gelyo ah ku soo galeen goboladii ay ka soo jeedeen, halkaas oo ay ku xasuuqeen qaxootigii Soomaaliyeed, ee xeryaha ka deganaa goboladaa, iyo maatadii ku hadhay halkaa, ee aan ka soo jeedin beeshooda iyo cid kasta oo duruuftu u ogolaan waday in ay halkaas iskaga baxaan.

Hadaba, waa taas geesinimada, dhul baan qabsanayda iyo dowlad baan ridnayna, uu ku faanaayo Mujrim Muuse Biixi iyo Dhamaanba horjoogayaasha sarsare ee SNM had iyo jeer ku faanaan, si gaar ah Mujrim Muuse Biixi, wuxuu u qaybsanaa SNM, beryihii dambe oo dhan, in uu dhalinta ka soo abaabulo xeryaha qaxootiga sida Xashin, Hartashiikh iwm, oo uu soo dagaal geliyo, isaguna wuxuu xeryahaa kula raaxaysan jiray, oo qaad kula geerashayn jiray, gabdhihii yar yaraa, ee guryahoodii laga soo barakiciyay, ee dantu ku qasabtay Xeryaha qaxootiga!

Halkan hoose ka aqri hadalkiisa, oo ku soo baxay shabakada Caalamiga ah ee doqonmawaydo, kana dhegayso doodii BBC da ee ergooyinkii wadahadalada Soomaalida.

Wabillaahi atowfiiq

Ciise Maxamuud Aadam

Email: almutawaadic@yahoo.com


This post has been viewed 1655 times.

camud

51 Comments for “Mujrim Muuse Biixi oo si Anshax Xumo iyo Qabyaalad ay Ku Jirto, Ugu Jawaabay Muwaadin Dood BBC-da ka Socatay Ra’yigiisa Ka Dhiibtay”

  1. DK

    Nooc walba oo iska neefsada meel walba way ka jiraan, lkn tanyaree iska hadaaqaysa in loo jawaabo ba maah,

Leave a Reply

WARARKII HORE EE KU DHAAFAY HALKAN KA RAADI
Log in | onlined by SRH