Ciid Mubaarak AK Iyo Hambalyo

Munaasabadda barakaysan ee ciidulfidriga awgeed waxan halkan ka salaamayaa guud ahaan muslimiinta damaashaadaya, waxanan leeyahay “kullu caam wa antum bikhair”. Waxan si gaar u salaamayaa, una hambalyeynayaa munaasabadda ciidda awgeed Ugaaska Gadabuursiga iyo majliskiisa hadda ku suggan Ismaamulka Soomalida(Kilika Shanaad) ee Dalka Ethiopia - Ugaas Cabdulrashiid Ugaas Rooble Ugaas Dooddi. Waxan Ugaaska Ilaahay uga baryayaa caafimaadqab iyo rayrayn inuu kula ciido bulsho weynta Soomaaliyeed, Somaliland; gaar ahaan bulshada deegaanka uu Ugaaska u yahay.
 
Waxa kale oo salaan iyo hambalyo taas la mid ah halkan uga gudbinayaa shacbiga, dawladda Ismaamulka Soomaalida Ethiopia iyo guud ahaan dawladda Ethiopia  ee sida taariikhiga ah u soo dhaweysay Ugaas Cabdirashiid Ugaas Rooble Ugaas Dooddi.
 
Waxan kale oon halkan salaan, hambalyo iyo bogaadinba uga gudbinayaa salaadiinta, Cuqaasha iyo dhammaan bulshada Soomliland ee u diyaar garawday soo dhaweynt Ugaas Cabdirashiid Ugaas Rooble Ugaas Dooddi.
 
Ugu dambeyn waxa aan la ilaawi karin Guddiga Qabanqaabada ee Bulshada reer Awdal u saareen soo dhaweynta iyo habmaamuuska Ugaas Cabdirashiid Ugaas Rooble Ugaas Dooddi; sidaa awgeed waxan iyagana u dirayaa salaan iyo hambalyo aanan soo koobi karin; waxanan aad ugu bogaadinayaa sida habsamida leh ee ay u daadihinayaan hawsha baaxadda leh ee loo igmay.
 
C I I D W A N A A G S A N !  H A M B A L Y O !  W A B I T A W F I I Q  I N S H A A L L A H !!!!!!!!!!!!.
 
Mohamed Abdullahi Haji Obsiyeh

Riyadh - Saudi Arabia.