Gudida Maamulka Magaalada Cabdulqaadir ee G/Selel oo Shirkadaha Isgaadhsiinta Ka Codsaday Inay Adeeyada Telephoneka Soo Gaadhsiiyaan Magaaladooda.

Boorama (Harowo) - Xubno ka tirsan madaxdhaqameedyada  Magaalada C/qaadir ee Gobolka Selel, ayaa shirkadaha isgaadhsiinta Soomaaliland ka dalbaday inay soo gaadhsiiyeen adeegyadooda dhinaca  isgaadhsiinta telefoonadooda, si magaaladaasi uga baxdo go’doonka ay kaga jirto caalamka iyo soomaaliland inteeda kaleba. Xubnahan oo ah guddiga maamul ee magaalada C/qaadir, oo igalasoo xidhiidhay halkaasi, ayaa codsi ay u jeediyeen shirkadaha isgaadhsiinta  ku yidhi:

“Aannagoo ka kooban odayaasha iyo guddiga magaalada C/qaadir, waxan soomaaliland iyo dunbida inteeda kaleba kaga jirraa cidhiidhi dhinaca isgaadhsiinta ah ,annagoo ka fog magaalooyinka waaweyn ee gobolada Awdal iyo selel ama Boorama iyo Saylac, isla markaana boqollaal kiiloomitri u jirra caasimadda soomaaliland, waxan  shirkadaha isgaadhsiinta, gaar ahaanna shirkadda Telsom  codsanaynaa inay nasoo gaadhsiiso  adeegyadeeda teleefanada  ee ay meel kasta oo dalka ah taako taako u gelisay .Sida la ogyahay magaalada C/qaadir, oo waagii gumaysigii Ingriiska iyo dawladdii soomaaliyaba ahaan jirtay  Sub district an waxba ka dhicin degmo, waxa ku nmool boqollaal qof oo baadiyaheeda iyo dhulka ay xukunto, kuwaasoo an wax xidhiidh ah la lahayn  Soomaaliland iyo magaalooyinka laga xukumo magaaladan.

Haddii caafimaad darro, amnidarro iyo dhibaatooyin kaleba lasoo dersaan dadkaasi meel loogu qaayshado ma jirto, cid usoo ghurman kartaana ma jirto.

Sidaa darteed, waxan shirkadfaha isgaadhsiinta leenahay umadda ha u kala eexanina oo magaalooyinka waaweyn uun ha u shaqaynina ee caddaalad iyo waddaninimo sameeya oo dadkan ku nool dhuulbuureedkan galbeedka soomaaliland  soo gaadhsiiya teleefanadiina,si idinkuna uga faaiieysataan dadkanna ad ugu faaiideysaan. wa bilaahi tawfiiq.”

Odayaasha codsiga  u jeediyey shirkadaha isgaadhsiinta

Cali Aadan Sahal

Rashiid Yaasiin  Yuusf

Axmed Ducaale Xasaan

Idiris Faarax Buux  iyo

Xasan Cawaale Bookh

Maxamed Cumar - Hyena

Harowo.com, Boorama, Somaliland