Kulankii labaad ee Beelaha R/Nuur iyo Ciidagale Ku Dhexmara Magaalada London

Waxa shir balaaran  isugu yimid xubno ka mid ah Odayaasha Aqoonyahanka Culuma’udiinka Waxgarad Dhalinyaro iyo dumar ka soo jeeda Beelaha walaalaha ah ee R/Nuur iyo Ciidagale ee ku nool UK. Shirkaas oo ay martiqaadka  fidiyeen beesha ciidagale kana dhacay Galbeedka magaalada London 19kii December 2009, waxa ka soo qayb qalay dad aad u tira badan oo ilaa 100 qof gaaraya . Kulankan oo uu ka horeeyey shir hore oo beesha reer nuur ay martiqaadka fidiyeen.

Shirkan oo muhiimadiisu la xidhiidhay is xog wareysi iyo sidii bulshada labada beelood  ay isugu soo dhawaan lahaayeen una  dardargalin lahaayeen xidhiidh kooda soo jireenka ah, una  ahaan  lahaayeen laba beelood oo bidix iyo midiga danahoodana meel uga soo wada jeeda ayaa waxaa ka soo baxay go’aamo ay ka mid yihiin.

1. wax is tar iyo taakulayn joogta ah in ay yeeshaan labada beelood.

2. in la xoojiyo lagana shaqeeyo horumarinta  labada beelood siiba  arrimaha bulshada sida schoolada caafimaadka iwm.

3. In dhan looga soo wada jeesto dhibaato kasta oo ku timaada mid ka mid ah labada beelood.

4. In laga shaqeeyo shirweyne ka dhaca guddaha oo ay yeeshaan labada beelood.

5. In guddiga farsamo ee la sameeyey ay ka shaqeeyaan gaarsiinta iyo wacyi galinta bulshada meekasta oo joogaan.

BAAQ

Waxa kale oo shirkaasi baaq u jeedinayaa bulshada labada beelood meelkasta oo ay joogaan in ay gacmaha isqabsadaan sidoo kale waxan ugu baaqaynaa Odayaasha Dhaqanka ,Cuqaasha waxgaradka  iyo Guurtida labada beelood ee guddaha ay qabtaan shir weyne deg deg ah halkaana laga anba qaado.

Waxana la isku afgartay iskaashi iyo wada tashi joogta ah in ay yeeshaan labada beelood, Guud ahaanba kulankaasi  ayaa ku bilaabmay jawi aad u heersareeyay iyo farxad   kuna dhamaaday jawi degan iyo is afgarad,kaasi oo lagu dhisay guddiyo labada beelood ah kana shaqayn doona danaha iyo horumarinta xiriirka labada beelood .

Wa bilaahi Towfiq.

Sahal Farah

Email: jarahorato@hotmail.co.uk